أعرفى كل حاجة عن الأطقم الصينى
(الماركات - الاسعار - الأشكال)
يعتبر ملك السفرة لأنه شئ أساسى و بيعيش معاكى لفترة طويلةطيب لو هنتكلم
على السعر فهنلاقى 3 مستويات فى الجوده:
على السعر فهنلاقى 3 مستويات فى الجوده:
1- الجودة العالية: تبدأ من 3000 جنيه لفوق وومككن توصل لمبالغ خيالية كأنها تحف أثرية
2- الجوده المتوسطة : 1000 - 3000 جنيه وهى المنتشره أكثر فى المحلات و فى متناول الأيد
3- الجودة المنخفضة : أقل من 1000 جنية وهو المستوى الشعبى وغالبا بتبقى صناعة صينية
بلد الصنع: (أفضل الأنواع بالترتيب)
المركز الأول:- اليابان رقم واحد (مستوى فاخر)- الألمانى (مستوى فاخر)
المركز الثانى:-البولندى (مستوى جيد)-الأيطالى (مستوى جيد)- الفرنساوى (مستوى جيد)
المركز الثالث:ألمانى / مصرى (خامات ألمانية وصناعة مصرية) (مستوى جيد)صينى / فلبينى (مستوى جيد)ماليزى - بنجلاديشى - اماراتى - لبنانى - هندى ( كل صناعات متشابهة مع فروقات بسيطة)
المركز الرابع:- الصينى (مستوى منخفض)
أزاى تختارى الطقم الصينى الحلو اللى يعيش معاكى ؟
1-قلة السمك وخفة الوزن:
ناس كتير بتفتكر أن كل ما الطبق يكون تقيل يكون حلو بالعكس تماما كل مالطبق يخف وزنه كل ما زادت جودته مش معنى كده أنه يكون بخفة طبق الميلامين مثلا... لا لما تيجى تختارى فى محل قارنى الوزن بين الانواع الموجوده و الأخف وزنا أشتريه
2- الرؤية من الخلف:
برضة ناس كتير متعرفش الموضوع ده... لازم الطبق يكون شفاف الى حد ما، يعنى تجيبى الطبق قدام النور ولو شفتى أيديك من وراه ده معناه أنه جودته عاليه لأنه بالطبيعى طقم الصينى مصنوع من مادة سيراميكية أقرب للزجاج فكل ما يكون شفاف كل مايكون نقى و أصلى
3- نعومة الملمس:
لازم يكون الطبق ملمسه ناعم و مفهوش أى بروزات أو تعرجات على سطح الطبق وممكن تختبريه قدام مصدر نور برضة أو بلمس سطحه وكل ما كان السطح ناعم و مستوى كل ما كان أحسن فى الجودة
أشكال الأطقم الصينى ؟
تختلف الأطقم الصينى فى الألوان و الاشكال بين مربع ومدور ومفيش علاقة بين الاشكال و جودة المنتج
واليكم بعض أشكال الأطقم الصينى :
ليست هناك تعليقات:
إرسال تعليق